მე, სააკაშვილთან ერთად, ქვეყნის სწორი გზით წაყვანის არ მჯერა, - განაცხადა „შენების“ მოძრაობის ლიდერმა, დავით უსუფაშვილმა ტელეკომპანია "პირველის" გადაცემა „რეაქციაში“.
მისი თქმით, ის კი არ არ უერთდება „ნაციონალური მოძრაობის“ ინიციატივას არჩევნების პროპორციული სისტემით ჩატარებას, არამედ თავად ამბობს რომ მომავალი არჩევნები უნდა ჩატარდეს პროპორციული გზით.
„მე, სააკაშვილთან ერთად, ქვეყნის სწორი გზით წაყვანის არ მჯერა. ამიტომ, ისიც თუ რამე ისეთს ამბობს, რაც მეც მგონია რომ სწორია, ეს არ ნიშნავს რომ ხელიხელჩაკიდებული ვივლით იქეთ.იმიტომ რომ მისთვის ხელის ჩაკიდება ნიშნავს სწორი გზიდან გადაგდებას, გვერდზე გადასვლას. სააკაშვილის სინდისზეა ის რომ ჩვენ კონსტიტუციაში 2020 წელს პროპორციული არჩევნები არ გვიწერია. იმიტომ რომ მან აუკრძალა „ნაციონალური მოძრაობის“ დეპუტაციას პარლამენტში, როცა ინიცირებული გვქონდა ჩვენ 4 წლის წინ კანონპოროექტი 2020 წლისთვის პრპორციული არჩევნების ჩაწერა. ამიტომ აქ ღრმა და ძალიან სერიოზული თემებია. მე კიდევ ერთხელ ვუსურვებ კარგ პრეზიდენტობას სალომე ზურაბიშვილს, ეს კარგი იქნება და ვთავაზობ, პროპორციული არჩევნების ინიცირება მისი მხრიდან იქნებოდა პირველი სწორი საპრეზიდენტო ნაბიჯი და მისი წვლილი აი, ამ, გახლეჩილი საზოგადოების გაერთიანებაში“, - განაცხადა უსუფაშვილმა.
