ვეუბნებოდი მიხეილ სააკაშვილსა და გაერთიანებულ ოპოზიციას, რომ ვაშაძე ქარიზმატული ლიდერის როლს ვერ გაქაჩავს და ის ჩაქრება კრიტიკულ ეტაპზე, - ამის შესახებ "ლეიბორისტული პარტიის" ლიდერმა შალვა ნათელაშვილმა განაცხადა.
მისი თქმით, არჩევნებზე ეს შედეგი მოიტანა საპრეზიდენტო კანდიდატების შერჩევისას დაშვებულმა შეცდომამ.
მისი განცხადებით, წინასაარჩევნო პერიოდში ამომრჩევლის უპრეცედენტო მოსყიდვა მოხდა და ამ ფონზე მასობრივი საპროტესტო აქციები უნდა დაიწყოს. მისივე თქმით, 2019 წელს ვადამდელი საპარლამენტო არჩევნებიც უნდა ჩატარდეს.
"ეს შედეგი მოიტანა იმან, რომ მათ მხარი არ დამიჭირეს და ფაქტობრივად, ქვეყანა ოლიგარქს დაუტოვეს. ჩემი არჩევა 24 საათში დაამთავრებდა ოლიგარქიულ რეჟიმს", – განაცხადა ნათელაშვილმა.
მისივე თქმით, ის არჩევნების შედეგებს უნდობლობას უცხადებს.