ხორავას ქუჩაზე მომხდარი მკვლელობის საქმის ფარგლებში მოწმეზე ზემოქმედების ბრალდებით დაკავებული მერაბ მორჩაძის სასამართლო პროცესი თბილისის საქალაქო სასამართლოში დღეს, 9 ნოემბერს, 13:00 საათზე გაიმართება.
გასულ სხდომაზე გაირკვა, რომ აღნიშნულ პირს ბრალი შუმსუბუქდა. მას უკვე სახელმწიფო ბრალდება მოწმე მიხეილ კალანდიაზე მხოლოდ ზემოქმედებას ედავება და არა მოსყიდვას.
შეგახსენებთ, რომ 1973 წელს დაბადებული მერაბ მორჩაძე 8 ივნისს სსკ-ის 372-ე მუხლით დააკავეს, რაც მოწმეზე ზემოქმედებას გულისხმობს. საუბარია საქმის ერთ-ერთ მთავარ მოწმე მ.კ-ზე. გამოძიების ინფორმაციით, მორჩაძემ მას ურჩია, არ მიეცა ბრალდებულების წინააღმდეგ ჩვენება, მკვლელობიდან თვენახევარში კი მას ამის სანაცვლოდ თანხა 100 ლარის ოდენობით გადასცა.