2010 წლის 3 სექტემბერს, 17:00 საათზე, სასტუმრო "ბომონდ გარდენში," (მარშალ გელოვანის ქ. #6ა) ტურიზმისა და კურორტების დეპარტამენტის თავმჯდომარე, მაია სიდამონიძე გამართავს შეხვედრას კერძო სექტორისა და მედიის წარმომადგენლებთან. მაია სიდამონიძე გააკეთებს კონკურსში გამარჯვებული პროექტის პრეზენტაციას, რომელშიც ნაჩვენებია მისი ხედვა დეპარტამენტის სამომავლო სამოქმედო გეგმებისა და ამოცანების თაობაზე.
პრეზენტაცია გაგრძელდება სამუშაო შეხვედრით კერძო სექტორის წარმომადგენლებთან, სადაც ტურიზმის სფეროში არსებულ სხვადასხვა საკითხებს განიხილავენ.
