საბანკო სესხს მიიღებს ყველა, ვისაც გადახდის საშუალება ექნება, აღნიშნულის შესახებ განცხადება ფინანსთა მინისტრმა ახალ საბანკო რეგულაციებთან დაკავშირებით გააკეთა.
ფინანსთა მინისტრის განცხადებით, ნეგატიური გავლენა პროგნოზირებულია, მხოლოდ 0.6 პროცენტზე, ისიც მხოლოდ მოკლე ვადაში.მისი თქმით, ნებისმიერი ეკონომიკური კრიზისის საფუძველი ჭარბვალიანობაა.
„ნებისმიერი კრიზისი, რომ აიღოთ მსოფლიოში, ყოველთვის მის ძირში დევს ჭარბვალიანობა. ეს იწვევს კრიზისს. ამან გამოიწვია 30-იან წლებში ამერიკაში და 2008 წელსაც. ყოველთვის ჭარბვალიანობა დევს ყველა კრიზისის სათავეში. შესაბამისად, აღნიშნულ საკითხს სჭირდებოდა მიხედვა. ეს იყო ტოქსიკური გზა, რეალურად არანაირ შვებას არ აძლევდა ადამიანებს გრძელ ვადაში. სესხს მიიღებს ყველა, ვისაც მისი გადახდის საშუალება ექნება. ღმერთმა დაიფაროს, რომ საბანკო სექტორი დაზიანდეს“, – განაცხადა ფინანსთა მინისტრმა.