ბუტა რობაქიძის მკვლელობის საქმეზე შინაგან საქმეთა სამინისტროს ყოფილი მაღალჩინოსნების მხრიდან სამსახურეობრივი უფლებამოსილების ბოროტად გამოყენების საქმეზე ერთ-ერთი ბრალდებული, ზაზა ბაქრაძე აცხადებს, რომ დღეს გამოკითხულმა ასევე ერთ-ერთმა ბრალდებულმა, ზურა მიქაძემ სასამართლოში იცრუა.
"მიქაძე იძახის, შემთხვევის ადგილზე იარაღები იყოო. მოკლე პასუხს გაგცემთ, რომ მიქაძე ცრუობს. უნდა დაველოდოთ მის საბოლოო დაკითხვას.
შემთხვევის ადგილზე ჩემთან მის სატელეფონო საუბარს ვადასტურებ, მან ამიხსნა, რომ მომხდარი იყო შემთხვევა და მითხრა, იარაღები არ ყოფილა და უნდა მოხდეს იარაღების ჩადებაო", -აცხადებს მიქაძე.
ცნობისთვის, ბუტა რობაქიძის მკვლელობის საქმეზე შინაგან საქმეთა სამინისტროს ყოფილი მაღალჩინოსნების მხრიდან სამსახურეობრივი უფლებამოსილების გადამეტების
საქმეზე ბრალდებულია 6 პირი: გურამ დონაძე, ზაზა ბაქრაძე, ზურა მიქაძე, ლევან გვაზავა, ირაკლი ფირცხალავა და დავით იაშვილი არიან ბრალდებული.
ერთ-ერთი ბრალდებული, კრიმინალური პოლიციის ყოფილი უფროსი, ზაზა ბაქრაძე, რომელიც თბილისის საერთაშორისო აეროპორტში 28 თებერვალს დააკავეს, 30 მარტს, 5 000 ლარიანი გირაოს სანაცვლოდ სხდომათა დარბაზიდან გაათავისუფლეს.