რუსთავის საქალაქო სასამართლოში ბრალდებულ გიორგი ჭანტურიას აღკვეთის ღონისძიების შეფარდებაზე პროცესი მიმდინარეობს.
პროცესზე ბრალედბულმა ჭანტურიამ განაცხადა, რომ პროკურატურის დასაბუთება მისთვის მიუღებელია და ხედავა იმის საფუძველს, რომ მაინცდამაინც ციხეში უნდა იჯდეს, რათა პროკურატურამ საქმე გახსნას.
„მათი მხრიდან მოვისმინე დასაბუთება. ის ხალხი, რომელიც დაიკითხა, მანამდეც ჰყავდათ დაკითხული. არ ვიცი გარეთ ჩემი ყოფნა რითი შეუშლით ხელს. მიუხედავად იმისა, რომ ვიცოდი, ჩემზე თვალთვალი მიმდინარეობდა, გაქცევას არ ვაპირებ“, - განაცხადა ჭანტურიამ.
ცნობისთვის, გიორგი ჭანტურია განზრახ მკვლელობისა და ცეცხლსასროლი იარაღის მართლსაწინააღმდეგო შეძენა-შენახვა-ტარების ბრალდებით რამდენიმე დღის წინ დააკავეს. დანაშაული 7-დან 15 წლამდე ვადით თავისუფლების აღკვეთას ითვალისწინებს.