25 მაისს ბათუმის რეფერალური ჰოსპიტალის ორგანიზებით ქედას ჰოსპიტალში უფასო კონსულტაციები ჩატარდება. აჭარის მაღალმთიან მოსახლეობას დღის განმავლობაში კონსულტაციებს ბათუმის რეფერალური ჰოსპიტალის წამყვანი სპეციალისტები ჩაუტარებენ.
ადგილობრივ მოსახლეობას საშუალება ექნება 10:00 საათიდან რაონიდან გაუსვლელად, სრულიად უფასოდ მიიღოს - კარდიოლოგის, ანგიოლოგის, უროლოგის, გინეკოლოგის, რადიოლოგის, ნევროლოგის, ნეიროქირურგის, ქირურგის, პროქტოლოგის, ტრავმატოლოგის და ოჯახის ექიმის კონსულტაციები.