წყალტუბოს მუნიციპალიტეტის სოფელ ქვიტირში ოთხი ცხენი მოიპარეს.
ცხენების პატრონების თქმით, ცხენები ეზოში ჰყავდათ დაბმული, დილით კი აღარ დახვდათ.
მოპარული ცხენებიდან ერთ-ერთი წლების განმავლობაში ფაეტონით ქვეყნის მასშტაბით გამართულ სხვადასხვა კულტურულ ღონისძიებებში მონაწილეობდა.
როგორც "ჯი-ეიჩ-ენს" შინაგან საქმეთა სამინისტროში განუცხადეს, გამოძიება სსკ-ის 177-ე, ქურდობის მუხლით დაიწყო და მიმდინარეობს შესაბამისი ღონისძიებები. დანაშაული 3-დან 7 წლამდე ვადით თავისუფლების აღკვეთას ითვალისწინებს.