ევროკავშირი სომხეთს დემოკრატიის განმტკიცებაში დაეხმარება, განაცხადა სამშაბათს ერევანში ევროკავშირის დელეგაციის ხელმძღვანელმა, ელჩმა, პიტერ სვიტალსკიმ ჟურნალისტებთან საუბრისას.
"ევროკავშირი დაეხმარება სომხეთს გააძლიეროს დემოკრატია, სამართლიანობა, კანონის უზენაესობა, კორუფციასთან ბრძოლა", - განაცხადა სვიტალსკიმ.
მისი თქმით, ბოლო დროს განვითარებულმა მოვლენებმა სომხეთში აჩვენა, რომ ეს ფასეულობები ძალიან მნიშვნელოვანია ქვეყნის მოქალაქეებისთვის. "ევროკავშირი გვერდში დაუდგება სომხეთს და მის მოსახლეობას“ - ამბობს სვიტალსკი.
ცნობისთის, 17 აპრილს ოპოზიციამ, რომელიც სარგსიანს ქვეყნის არაეფექტურ მმართველობაში და ეკონომიკის გაუარესებაში ადანაშაულებდა „ხავერდოვანი რევოლუციის“ შესახებ განაცხადა.
ორშაბათს, სომხეთის პრემიერ-მინისტრმა სერჟ სარგსიანმა, მის მიმართ გამართული საპროტესტო აქციების ფონზე თანამდებობა დატოვა. სპეციალურ მიმართვაში სარგსიანმა აღიარა, რომ მოცემულ სიტუაციაში იყო მხოლოდ რამდენიმე გამოსავალი, თუმცა მისთვის ის ხედავდა ერთადერთს - დაეტოვებინა თანამდებობა.