ეუთოს საპარლამენტო ასამბლეის, ადამიანის უფლებების დაცვის კომიტეტის თავმჯდომარემ იგნასიო სანჩეს ამორმა სომხეთის ხელისუფლებას და ოპოზიციას დიალოგისკენ მოუწოდა. ნათქვამია კომიტეტის პრეს-რელიზში.
"მე მივესალმები სამოქალაქო მოქმედებებს, რომლებიც სარგებლობენ თავიანთი უფლებებით აზრის თავისუფლების გამოხატვს თვალსაზრისით მშვიდობიანი პროტესტის გზით", - ნათქვამია განცხადებაში.
მან აღნიშნა, რომ ხელისუფლებამ პატივი უნდა სცეს ამ უფლებას და მოუწოდა ყველა მხარეს გამოიჩინონ თავშეკავება და დაუბრუნდნენ კონსტრუქციულ დიალოგს.
ცნობისთვის, აქცია სომხეთის პრემიერ-მინისტრად სერჟ სარგსიანის არჩევის წინააღმდეგ 13 აპრილს დაიწყო.
მომიტინგეები ცდილობდნენ პარლამენტის შენობაში შესვლას, თუმცა პოლიციამ მათი ქმედება შეაჩერა. ურთიერთშჯახების შედეგად ათობით ადამიანი დაშავდა. მომდევნო დღეს მომიტინგეებმა განაცხადეს სომხეთში „ხავერდოვანი რევოლუციის“ დაწყების შესახებ.
პროტესტის მიუხედავად, სომხეთის პარლამენტმა სერჟ სარგსიანი მაინც აირჩია პრემიერ-მინისტრად.
ბოლო მონაცემებით პოლიციამ აქციის მონაწილე 217 პირი დააკავა.