საქართველო-რუსეთის საზღვარზე (ყაზბეგის საბაჟო-გამშვები პუნქტი) ონლაინ Duty Free სერვისი ამოქმედდა. მისი ოპერატორი კომპანია MyDutyFree-ა, რომელსაც რამდენიმე ქვეყნის აეროპორტსა თუ საბაჟო-გამშვებ პუნქტზე მუშაობის გამოცდილება გააჩნია.
როგორც MyDutyFree-ში განმარტავენ, ქართულ ბაზარზე ახლახანს შემოვიდნენ და მათ პორტფელში ეს პირველი ონლაინ პროდუქტია, რომელსაც კომპანია საქართველო-რუსეთის საზღვრის გადაკვეთისას ადამიანებს სთავაზობს.
„MyDutyFree ეს არის მაღაზია duty free-ს ონლაინ ვიტრინა. ამიერიდან ყველას, ვინც კი საზღვარს კვეთს, შესაძლებლობა ეძლევა მიიღოს ინფორმაცია სხვადასხვა პროდუქტებზე და მათ ფასებზე. შეკვეთას მოლარე წინასწარ ამზადებს. მომხმარებელს ადგილზე მხოლოდ თანხის გადახდა უწევს“, - აცხადებენ MyDutyFree-ში.
ონლაინ მაღაზიაში განთავსებული სრული ასორტიმენტის ნახვა შესაძლებელია საიტზე mydutyfree.net
MyDutyFree-ს მენეჯმენტი განმარტავს, რომ მაღაზიაში ხელმისაწვდომია ქართული წარმოების პროდუქციაც, თუმცა ამ დროისათვის ეს ძირითადად ალკოჰოლური სასმელებია. ყველაზე პოპულარული პროდუქცია ონლაინ მაღაზიაში ამ დროისთვის ქალბატონების პარფიუმერიაა. Mydutyfree, საქართველოს გარდა, 4 ქვეყანაში ოპერირებს: უკრაინაში, რუსეთში, ბელარუსში და აზერბაიჯანში.
საიტის mydutyfree.net გარდა, ხელმისაწვდომია მისი iOS და Android ვერსიებიც, რომლის საშუალებითაც შეკვეთის გაკეთება საბაჟოზე მოხვედრამდე ორი საათით ადრეა შესაძლებელი.