დიდი ბრიტანეთის ელჩი, ლორი ბრისტოუ რუსეთის საგარეო საქმეთა სამინისტროშია დაბარებული.
ამის შესახებ ინფორმაციას რუსეთის პრესსამსახური ავრცელებს. მანამდე რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ განაცხადა, რომ ყველა გადაწყვეტილება ბრიტანეთის საქციელის საპასუხოდ უკვე მიღებულია.
როგორც რუსეთის საგარეო საქმეთა მინისტრმა, სერგეი ლავროვმა აღნიშნა, მოსკოვი მზადაა გაიწვიოს ბრიტანეთის დიპლომატები ლონდონის საპასუხოდ.