თბილისის 56-ე საბავშო ბაღის აღსაზრდელის გარდაცვალების ფაქტს ჯანდაცვის სამინისტრო შეისწავლის, - ამის შესახებ მინისტრმა დავით სერგეენკომ განაცხადა.
მისი თქმით, ამ შემთხვევაში იყო ჩუტყვავილას იშვიათი, მაგრამ რთული ფორმა, რომელსაც ჰქვია სისხლმდენი ჩუტყვავილა.
"ამ დაწესებულებაში უკვე ჩატარებულია შესაბამისი ღონისძიებები. რამდენიმე დღეში დამთავრდება მოკვლევა და სპეციალისტებს შეეძლებათ ზუსტი რეკომენდაციები გასცენ. სამწუხაროდ ამ შემთხვევაში იყო ჩუტყვავილას იშვიათი, მაგრამ რთული ფორმა, რომელსაც ჰქვია სისხლმდენი ჩუტყვავილა“,-განაცხადა მინისტრმა.
გარდაცვლილი ბავშვის ოჯახს ჯანდაცვის მინისტრმა სამძიმარი გამოუცხადა.