ჩვენთვის კრიტიკა ყოველთვის მისაღებია, - ასე გამოეხმაურა უზენაესი სასამართლოს თავმჯდომარე ნინო გვენეტაძე არასამთავრობო სექტორის კრიტიკას, რომელიც მიიჩნევს, რომ 11 იანვარს დახურულ ფორმატში ჩატარებული მოსამართლეთა არჩევა კითხვის ნიშნებს აჩენს.
გვენეტაძის თქმით, კონკურსის ბოლო ეტაპი, რომელიც გულისხმობს საბჭოს წევრებთან მოსამართლეობის კანდიდატების გასაუბრებას, მხოლოდ კანდიდატის არჩევანზეა დამოკიდებული ჩატარდება გასაუბრება ღია თუ დახურულ ფორმატში.
"გასული წლის განმავლობაში იუსტიციის უმაღლეს საბჭოში ორი კონკურსი ჩატარება უზრუნველვყავით. გავეცანი მოსაზრებებს, რომელიც გამოთქვეს არასამთავრობო ორგანიზაციებმა, ჩვენთვის კრიტიკა ყოველთვის მისაღებია, თუმცა კონკურსის ბოლო ეტაპი, რომელიც გულისხმობს საბჭოს წევრებთან მოსამართლეობის კანდიდატების გასაუბრებას, მხოლოდ კანდიდატის არჩევანზეა დამოკიდებული ჩატარდება გასაუბრება ღია თუ დახურულ ფორმატში. ეს დადგენილია იუსტიციის უმაღლესი საბჭოს დადგენილებით და ვფიქრობ, რომ ამ შემთხვევაში ეჭვები ან კრიტიკული დამოკიდებულება უარგუმენტოა", - განაცხადა ნინო გვენეტაძემ.