ეროვნულ-დემოკრატიული ინსტიტუტის (NDI) საზოგადოებრივი აზრის კვლევის შედეგების თანახმად, გამოკითხულთა 72% მიიჩნევს, რომ ადრეული ქორწინება ქალებისთვის საქართველოში პრობლემას წარმოადგენს, 24%-ის აზრით, ეს პრობლემა არ არის, ხოლო 4%-მა კითხვაზე პასუხი არ იცის.
რაც შეეხება ქალებზე არასასურველი სექსუალური ხასიათის ზეწოლას, გამოკითხულთა 56%-ის აზრით, ეს საქართველოში პრობლემას წარმოადგენს, 26%-ის აზრით, ეს პრობლემას არ წარმოადგენს, 18%-მა კითხვაზე პასუხი არ იცის.
NDI-ის კვლევის საველე სამუშაოები ჩატარდა 29 ნოემბერი-19 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 2,298 პირისპირ ინტერვიუს წარმომადგენლობითი შერჩევის საფუძველზე, ცდომილების ზღვარია +/-1.9%.
კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.
