საზოგადოებრივი პროტესტი სახეზეა და ეს პროტესტი უსაფუძვლო არ არის, - ამის შესახებ პარლამენტის აგრარულ საკითხთა კომიტეტის თავჯდომარე ოთარ დანელიამ კლუბ “ბასიანთან” მომხდარ დაპირისპირებასთან დაკავშირებით განაცხადა.
მისი თქმით, კრიმინალის წინააღმდეგ ბრძოლა მიმდინარეობს და ვნახეთ, ძალიან მოკლე დროში როგორი მნიშნელოვანი ღონისძიებები გატარდა.
“აღსანიშნავია გიორგი გახარიას აქტიური, გახსნილი და პრინციპული პოლიტიკა. მინისტრი პოლიციელის მუნდირს იცავს და ეს მიდგომა ძალიან მნიშვნელოვანია, რადგან ბოლო პერიოდის პროცესები არ არის ის, რაც ხელს უწყობს იმ რეფორმებს, რომელიც დაწყებულია შინაგან საქმეთა სამინისტროში. პოლიციელის დემოტივაცია არ უნდა მოხდეს ისეთი ქმედებებით, რომელიც ვნახეთ. ეს არის აბსოლუტურად მიუღებელი და უმსგავსობა, რაც ჩვენს კომპეტენციას სცდება. კრიმინალის წინააღმდეგ ბრძოლა მიმდინარეობს და ვნახეთ, ძალიან მოკლე დროში როგორი მნიშნელოვანი ღონისძიებები გატარდა. ამ მიმართულებით პროგრესი დიდია, მაგრამ ამას ხელი ყველა სტრუქტურამ უნდა შეუწყოს. როგორ შეიძლება ვთქვათ, რომ ეს არ არის პრობლემა, როცა ადამიანები სასიკვდილოდ გაწირეს და გაუგებარი ქმედებები იყო, რომელიც შეიძლება ტრაგიკულად დასრულებულიყო. საზოგადოებრივი პროტესტი სახეზეა და ეს პროტესტი უსაფუძვლო არ არის”, – განაცხადა დანელიამ.
ცნობისთვის, თბილისის სააპელაციო სასამართლომ, საქალაქო სასამართლოს განჩინება გააუქმა და ერთი სამართალდამცავისა და კლუბ "ბასიანის" დაცვის ორი წევრის დაჭრაში ბრალდებულ თამაზ ქვლივიძეს პატიმრობა შეუფარდა.