თარიღი    დრო

ევროკომისიამ უნგრეთის, პოლონეთისა და ჩეხეთის წინააღმდეგ საჩივარი შეიტანა

საქართველო, თბილისი - 17:35 12.07.2017 139

ევროკომისიამ საჩივარი შეიტანა ევროკავშირის სამი წევრის, უნგრეთის, პოლონეთისა და ჩეხეთის წინააღმდეგ იმიგრაციის საკითხში მათი პოზიციის გამო, - ამის შესახებ ინფორმაციას ,,რადიო თავისუფლება“ ავრცელებს. ეს ქვეყნები უარს ამბობენ ლტოლვილების მიღებაზე კვოტებით, რომლებიც ევროკავშირმა ორი წლის წინ დაამტკიცა.

ევროკავშირის სასამართლომ, რომელსაც საჩივრით მიმართეს, შესაძლოა ფულადი ჯარიმა დააკისროს სამ ქვეყანას და ამავე დროს დაავალოს შეთანხმების შესრულება. ამავე დროს, ევროკომისია ასაჩივრებს უნგრეთის კანონებს განათლებისა და უცხოეთიდან დაფინანსებული არაკომერციული ორგანიზაციების შესახებ.

,,ევროკომისიის ხელმძღვანელობას არაერთხელ უთქვამს, რომ ეს კანონები ეწინააღმდეგება ევროკავშირის კანონმდებლობას. სანქციის სახით, უნგრეთს შესაძლოა ჩამოართვან ევროკავშირში ხმის უფლება, თუმცა ასეთ უპრეცედენტო ზომას, სავარაუდოდ, არ მიმართავენ. უნგრეთმა აპრილში მიიღო უნივერსიტებების შესახებ კანონი, რომლითაც გაამკაცრა უცხოეთის უმაღლესი სასწავლებლებისათვის დიპლომების მინიჭება. ამავე ქვეყანაში ივნისიდან ევალებათ არასამთავრობო ორგანიზაციებს, რომლებიც უცხოეთიდან იღებენ დაფინანსებას, რომ ეს გარემოება აღნიშნონ ყველა პუბლიკაციაში და მთავრობას ჩააბარონ ანგარიში შემოსავლის წყაროებზე. უნგრეთის პრემიერ-მინისტრ ვიქტორ ორბანს არაერთხელ გაუკრიტიკებია ლიბერალური საზოგადოებრივი ორგანიზაციები”, - წერს გამოცემა.




sazogadoeba

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 84%
შემცირდა 13%
არ შეცვლილა 3%