საქართველოს პრეზიდენტის გიორგი მარგველაშვილის თქმით, დეკანოზ გიორგი მამალაძის შეწყალების განცხადებით მისთვის არ მიუმართავთ, თუმცა, იმ შემთხვევაში, თუ მიმართავენ, ის საქმეს განიხილავს.
პრეზიდენტმა ტელეკომპანია "პირველის" გადაცემა "რეაქციაში" მამალაძის სასამართლო პროცესზე და დეკანოზის ირგვლივ განვითარებულ მოვლენებზე ისაუბრა და აღნიშნა, რომ საქმის ირგვლივ "ძალიან ხმამაღალი განცხადებები კეთდებოდა".
მისივე თქმით, "ერთი წელიწადია გაუგებრობის კორიანტელში ვართ ყველანი".
პრეზიდენტი აქვე აღნიშნავს, რომ ხმამაღალი განცხადებები, ძალიან ხმამაღალი პოლიტიკური ტრიბუნებიდან კეთდებოდა.
"თავისთავად ამ [დეკანოზ გიორგი მამალაძის] საქმეზე მეტ ინფორმაციას უნდა გავეცნოთ", - დასძინა გიორგი მარგველაშვილმა.
