თბილისში, ნასვამ მდგომარეობაში მყოფმა მამაკაცმა ყოფილი ცოლი და ცოლის მშობლები დაჭრა.
დაზარალებულს დანით 5 ჭრილობა აქვს მიყენებული, მათ შორის ერთ-ერთი თავის არეში. დაზიანებები დაჭრილი ქალის მშობლებმაც მიიღეს. სამივე მათგანი საავადმყოფოში გადაიყვანეს.
როგორც ირკვევა, თავდამსხმელი წარსულში ნასამართლევია. გარდა ამისა, მას ყოფილ ცოლთან მიახლოება აკრძალული ჰქონდა.
საქართველოს შინაგან საქმეთა სამინისტროს ინფორმაციით, გამოძიება სისხლის სამართლის კოდექსის მე-11 პრიმა და 117-ე მუხლის მე-7 ნაწილის "ა" ქვეპუნქტით მიმდინარეობს, რაც ოჯახურ დანაშაულს და ჯანმრთელობის განზრახ მძიმე დაზიანებას გულისხმობს.