საბერძნეთის სოფლის მეურნეობისა და სურსათის მინისტრი აცხადებს, რომ სამედიცინო მიზნით მარიხუანის მოყვანა ქვეყანის ეკონომიკას ააღორძინებს. ევანგელოს აპოსტოლუს თქმით, მარიხუანის სასათბურე მეურნეობებში მწარმოებლები 1,5 მილიარდი ევროს ჩადებას გეგმავენ, რაც საბერძნეთს მარიხუანის მსოფლიო ბაზარზე გაიყვანს. მწარმოებლები იმედოვნებენ, რომ ამ მარიხუანით მიღებული შემოსავალი 10 წელიწადში 200 მილიარდს გადააჭარბებს. ამასთან, შეიქმნება დამატებითი სამუშაო ადგილებიც. 12-15 სათბურისგან შემდგარ მეურნეობებში საშუალოდ 400-მდე ადამიანი დასაქმდება.
