თარიღი    დრო

საბერძნეთში ქართველების მიერ 85 წლის მოხუცის წამების შესახებ ცრუ ინფორმაცია ART TV-მ გაავრცელა - იოსებ ნანობაშვილი

საქართველო, თბილისი - 14:56 11.14.2017 1077

საბერძნეთისა და სერბეთის რესპუბლიკებში საქართველოს საგანგებო და სრულუფლებიანმა ელჩმა იოსებ ნანობაშვილმა ბერძნულ ტელეკომპანია ART TV-ისგან საქართველოს მოქალაქეებთან დაკავშირებით მცდარი ინფორმაციის გასწორება მოითხოვა.
„ბოლო პერიოდში, საბერძნეთში მცხოვრები საქართველოს მოქალაქეების დაკავებასთან დაკავშირებით, საბერძნეთის მასმედიაში გავრცელებული ინფორმაციის თაობაზე გაცნობებთ: საქართველოს მოქალაქეებთან დაკავშირებით მცდარი ინფორმაციის გავრცელების ძირითადი წყარო ტელეკომპანია ART TV-ის სიუჟეტი sti fora გახდა. ამ საკითხზე 10 ნოემბერს შევხვდი კომპანიის პრეზიდენტს გიორგიოს კარაძაფერისს, რომელმაც გაიზიარა ჩემი წუხილი და დაავალა სიუჟეტის ავტორს ფილიპოს კაბურისისს ვითარების გამოსწორება. ამ თემაზე 13 ნოემბერს, 13:30 საათზე გასულ სიუეჟეტში ფილიპოს კაბურისისსმა გაავრცელა ჩემი განცხადება, რომელშიც აღვნიშნავ, რომ ტელეკომპანია ART TV-ის გადაცემაში საქართველოს მოქალაქეები დადანაშაულებული იქნენ იმ დანაშაულში, რომელიც მათ არ ჩაუდენიათ და ვითხოვ, კომპანია ART TV-ის მიერ დაშვებული შეცდომების გამოსწორებას. ბატონი კარაძაფერისთან შევთანხმდით, რომ მომავალში საქართველოს მოქალაქეებთან დაკავშირებული სიუჟეტების მომზადებისას, ტელეკომპანია საელჩოსთან წინასწარ დააზუსტებს გასავრცელებელ ინფორმაციას. აღნიშნულის გარდა, გასულ კვირაში ოფიციალურად მივმართე საბერძნეთის ტელეკომპანიებს, რომ საქართველოს მოქალაქეებთან დაკავშირებული ინფორმაციის გავრცელებისას, გადაამოწმონ ეს ინფორმაცია საქართველოს საელჩოსთან. ამ მიზნით, საელჩოში განისაზღვრა პასუხისმგებელი პირი, რომელთანაც ტელეკომპანიებს შეეძლებათ მათთვის საინტერესო ინფორმაციების დეტალების დაზუსტება“, - ნათქვამია ელჩის მიმართვაში.

რამდენიმე კვირის წინ ბერძნულმა მედიამ გაავრცელა ინფორმაცია, რომ ქართველების კრიმინალურმა დაჯგუფებამ 85 წლის მოხუცი ქალი დააყაჩაღა და აწამა. გავრცელებული ინფორმაციით, საბერძნეთში თაღლითობისა და ძარცვის ბრალდებით საქართველოს 8 მოქალაქე დააკავეს. დაკავებულები შემოსავლების სამსახურის წარმომადგენლებად ასაღებდნენ თავს და მოხუცი ადამიანების სახლებში შედიოდნენ, შემდეგ კი ამ სახლებს ძარცვავდნენ. ასევე გამოქვეყნდა ათენის პროკურატურის მიერ გავრცელებული, დაკავებულების ფოტოები, სახელები და გვარები.




sazogadoeba

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 84%
შემცირდა 13%
არ შეცვლილა 3%