რადიოსადგურ „ეხო მოსვის“ წამყვანი ტატიანა ფელგენჰაუერის მდგომარეობა მძიმეა. ამის შესახებ სკლიფასოვსკის კლინიკის დირექტორი სერგეი პატრიკოვი იტყობინება. მისივე თქმით, პაციენტს ოპერაცია უკვე ჩაუტარდა და პალატაშია გადაყვანილი. „ეხო მოსკვის“ რედაქტორის, ალექსეი ვენედიქტოვის ინფორმაციით კი წამყვანი ხელოვნურ კომაში იმყოფება. ფელგენჰაუერს დღეს თავს დანით შეიარაღებული მამაკაცი რადიოს ოფისში დაესხა და ყელის არეში დაჭრა. პოლიციამ თავდამსხმელი უკვე დააკავა. ის საქართველოში დაბადებული ისრაელის მოქალაქე ბორის გრიცია. დანაშაულის მოტივად გამოძიება პირად კონფლიქტს ასახელებს, დაკავებული კი პოლიციისთვის მიცემულ ჩვენებაში აცხადებს, რომ წამყვანს მასთან ტელეპათიური კონტაქტი ჰქონდა და სექსუალურად ავიწროვებდა.