ჩილემ 60 სირიელი ლტოლვილი მიიღო. იძულებით გადაადგილებულ პირებს სანტიაგოს აეროპორტში თავად პრეზიდენტი დახვდა. მიშელ ბაჩელეტის განცხადებით, 14 ოჯახს კეთილმოწყობილ ბინებში განათავსებენ. მათ ყოველთვიური შემწეობა დაენიშნებათ, ექნებათ ჯანდაცვის სერვისითა და საგანმანათლებლო პროგრამებით უფასოდ სარგებლობის საშუალება. პირველ რიგში კი სირიელ ლტოლვილებს ენის კურსებზე ჩარიცხავენ. სირიაში სამოქალაქო ომის დაწყების შემდეგ მილიონობით ადამიანი იძულებით გადაადგილებულ პირად იქცა. მათი უმრავლესობა ევროკავშირმა შეიფარა. ჰუმანიტარულ პროგრამას ახლა უკვე ჩილეც შეუერთდა.
