ჰარვი ვაინშტეინის საქმით სამართალდამცველები დაინტერესდნენ. ცნობილი კინოპროდიუსერის საქმეს ნიუ იორკის პოლიცია გამოიძიებს. ვაინშტეინს სექსუალური ძალადობისა და შევიწროვების ბრალდება ერთდროულად რამდენიმე ცნობილმა მსახიობმა, მათ შორის, გვინეტ პელტროუმ და ანჯელინა ჯოლიმაც წაუყენა. სექსუალური სკანდალის გამო პროდიუსერი ბრიტანეთის კინო და ტელეაკადემიიდან გარიცხეს. ანალოგიური გადაწყვეტილების მიღებას გეგმავს ამერიკის კინოაკადემიაც. ვაინშტეინს კონტრაქტი შეუწყვიტა დისნეიმაც.
