ქსენია სობჩაკი რუსეთის პრეზიდენტად კენჭისყრას გეგმავს. BBC-ის ინფორმაციით, ცნობილი ტელეწამყვანი აქტიურად ეძებს მომავალი საარჩევნო შტაბის უფროსს.
სობჩაკმა სამსახური რამდენიმე ჟურნალისტს და მათ შორის ტელეკომპანია "დოჟდის" გენერალურ დირექტორსაც შესთავაზა. სობჩაკის წინადადებას ჯერ არავინ დათანხმდა.
როგორც BBC ამტკიცებს, სობჩაკს პრეზიდენტად კენჭისყრა კრემლიდან შესთავაზეს. პროექტი მას მოეწონა, თუმცა ვინ დააფინანსებს კამპანიას, უცნობია. თავად ქსენია სობჩაკის საპრეზიდენტო არჩევნებში შესაძლო მონაწილეობას არც უარყოფს და არც ადასტურებს.
