დონის როსტოვში ხანძარი სავარაუდოდ შეგნებულად გააჩინეს. ამის შესახებ რუსეთის საგანგებო სიტუაციათა სამინისტროში განაცხადეს. ხანძარი თეატრალური დაღმართის რაიონში გუშინ დილით გაჩნდა და 100-მდე საცხოვრებელი სახლი გაანადგურა. დაშავებულია 58 ადამიანი. მსხვერპლის შესახებ ინფორმაცია არ გავრცელებულა. სტიქიური უბედურების ზონიდან მოსახლეობის ევაკუაცია განხორციელდა. ხანძრის ლოკალიზება ამ დრომდე ვერ ხერხდება.