კოპენჰაგენის შემოგარენში სანაპიროსთან ქალის თავმოკვეთილი ცხედარი აღმოაჩინეს. მოკლული სავარაუდოდ შვედი ჟურნალისტი კიმ ვალია, რომელსაც სამართალდამცველები უკვე რამდენიმე დღეა, ეძებენ. ბოლოს ჟურნალისტი 10 აგვისტოს, კონსტრუქტორ პიტერ მადსენთან ერთად წყალქვეშა ნავში ნახეს. მადსენს ჟურნალისტის მკვლელობაში ადანაშაულებენ. ეჭვმიტანილი კი აცხადებს, რომ კიმ ვალი უბედურ შემთხვევას ემსხვერპლა და მისი ცხედარი ზღვაში გადააგდო.
