ბაგებში შპს "მესხი" 15 საღ ხეს ჭრის. ამის შესახებ ინფორმაციას მოძრაობა "პარტიზანული მებაღეობა" ავრცელებს.
არსებული ინფორმაციით, კომპანიას ხეების გაჩეხვის ნებართვა ეკოლოგიისა და გამწვანების საქალაქო სამსახურმა ტერიტორიის სამშენებლო მიზნებისთვის გამოსაყენებლად მისცა.
როგორც ირკვევა, ბაგებში მორიგი კორპუსი აშენდება. ნებართვა კომპანიას იმ პირობით მისცეს, რომ ის ახალ ხეებს დარგავს.
ხეების მოჭრა ადგილზე მერობის დამოუკიდებელმა კანდიდატმა, ალეკო ელისაშვილმა გაპროტესტა.