თბილისში, ლილოში ჩატარებული სპეცოპერაციისას დაკავებული გიორგი არდოტელი ყოფილი პარლამენტარის, ზურაბ ზვიადაურის ბიძაშვილია, ამის შესახებ არდოტელის მეზობლებმა ჟურნალისტებს განუცხადეს.
დაკავებული გიორგი არდოტელი ამჟამად პირველ კლინიკურ საავადმყოფოში იმყოფება. დაკავების შემდეგ გავრცელდა ინფორმაცია, რომ ის დაჭრილი იყო, თუმცა შსს-ში აცხადებენ, რომ მან დაკავებისას გაქცევა სცადა რა დროსაც ფეხი დაიზიანა.
როგორც ადგილობრივებმა განაცხადეს, სპეცოპერაციისას მათ სროლის ხმა გაიგეს.
ცნობისთვის, გიორგი არდოტელი 2013 წლიდან იძებნებოდა. მას სისხლის სამართლის კოდექსის 117-ე მუხლის დარღვევაში ედება ბრალი, რაც ჯანმრთელობის განზრახ მძიმე დაზიანებას გულისხმობს. შსს-ს ინფორმაციით, მან 2013 წელს ერთი პირი ცეცხლსასროლი იარაღით დაჭრა და მიიმალა.
