მეხანძრეებს, რომლებმაც მთაწმინდაზე ხანძრის ჩაქრობაში მიიღეს მონაწილეობა მთაწმინდის პარკი მასპინძლობს.
საზოგადოებრივის ინფორმაციით, მეხანძრეებსა და მათ ოჯახებს, საშუალება აქვთ, ოთხი საათის განმავლობაში პარკში სერვისებით უფასოდ ისარგებლონ.
პარკის დირექტორის, გელა დიღმელაშვილის განცხადებით, მათ მეხანძრეებს მადლობა ამ სახით გადაუხადეს.
შეგახსენებთ, რომ მთაწმინდის ფერდობზე ხანძარი 8 აგვისტოს, ღამით გაჩნდა.
ცეცხლი ბალახსა და ხეებს მოეკიდა. მეხანძრეებმა ხანძრის ლოკალიზება 35 წუთში შეძლეს.
