საქართველოს მთავარ პროკურატურაში ”ჯი-ეიჩ-ენ-ს” დაუდასტურეს, რომ ბათუმში ნაპოვნმა გარდაცვლილმა გიორგი ხაჭაპურიძემ მის მიმართ განხორციელებული შანტაჟის ფაქტზე გამოძიების დაწყების მოთხოვნით შინაგან საქმეთა სამინისტროს მიმდინარე წლის მაისის თვეში მიმართა.
აღნიშნულს შსს-შიც ადასტურებენ.
”ჩვენთან შეტყობინება მაისის თვეშია შემოსული, შეტყობინებაზე რეაგირება მომხდარია, გამოძიება დაწყებულია სისხლის სამართლის კოდექსის 126-ე მუხლით, რაც ძალადაობას გულისხმობს”, - აცხადებენ შსს-ში.
შეგახსენებთ, რომ გარდაცვალებამდე რამდენიმე ხნით ადრე გიორგი ხაჭაპურიძემ სოციალურ ქსელში მის მიმართ განხორციელებულ შანტაჟზე დაწერა. ის ძალოვან უწყებებს დროულ რეაგირებას სთხოვდა.
