ევროპაში სიდით მეორე ლოუკოსტერი EasyJet-მა, რომელიც დიდ ბრიტანეთსია ბაზირებული, ექსპლუატირების ავსტრიული სერთიფიკატი გააფორმა. აღნიშნული ნაბიჯი ავიაკომპანიას საშუალებას მისცემს Brexit-ის შემდეგ ევროკავშირისა და დიდ ბრიტანეთის კანონმდებლობების შეუთავსებლობის ფონზეც, ევროპაში თავისუფლად იფრინოს.
ევროკავშირის კანონმდებლობის მიხედვით, ავიაკომპანიამ ქვეყნებს შორის ოპერირება რომ შეძლოს ამისათვის AOC-ს სერთიფიკატი უნდა ქონდეს, რომელიც წევრის რომელიმე ქვეყნის მიერ უნდა იყოს გაცემული.
ავსტრია ავიაგადამზიდავმა იმიტომ შეარჩია, რომ ქვეყანაში მკაცრადაა დაცული ევროპული უსაფრთხოების წესები.
სწორედ ავსტრიული სერთიფიკატით იფრენს ახალი ავიაკომპანია, easyJet Europe, რომლის განკარგულებაშიც ამ დროისათვის მხოლოდ ერთი თვითმფრინავია, რომელმაც პირველი რეისი 20 ივლისს განახორციელა.
როგორც ირკვევა easyJet Europe ერთი ბორტით ზამთრის დასაწყისამდე იფრენს.
