NDI-ის წინასაარჩევნო მონიტორინგის მისიის წარმომადგენლები საარჩევნო გარემოსთან დაკავშირებით არასამთავრობოებს ხვდებიან.
დელეგაციის წევრები დღეს შეხვედრას პრემიერმინისტრთან და საქართველოს პრეზიდენტთან გამართავენ, ხვალ კი დაგეგმილია შეხვედრები პოლიტიკურ პარტიებთან.
17-21 ივლისის პერიოდში, დელეგაცია არჩევნებისთვის სამზადისს, საარჩევნო პროცესის ძირითადი სუბიექტების პოლიტიკურ აქტივობებსა და ზოგადად საარჩევნო გარემოს შეაფასებს.
21 ივლისს, NDI-ის დელეგაცია წინასაარჩევნო გარემოს შეფასების ძირითად დასკვნებსა და რეკომენდაციებს პრესკონფერენციაზე გამოაქვეყნებს.
