სუს-ის მიერ ქრთამის აღების ბრალდებით დაკავებულმა ოთარ აბესაძემ სასამართლო სხდომაზე განაცხადა, რომ გამოძიებასთან თანამშრომლობისთვის მზად არის.
თუმცა, ბრალდებული დუმილის უფლება კვლავ იანრჩუნებს.
"მინდა ოჯახს მეგობრებს და საზოგადოებას სინანულით მოვუხადო ბოდიში. დუმილის უფლებას, რომ ვიყენებ ეს არ ნიშნავს, რომ არ ვთანამშრომლებ გამოძიებასთან. ჩემი ოჯახი მომხდარით შოკირებულია. აბსოლუტურად ყველაფერს გავაკეთებ იმისთვის, რომ გამოძიება ჩატარდეს არ წარმოვადგენ მე იმ საშიშროებას, საფრთხეს, რომ საქმის მსვლელობას შევუშალო ხელი. მქონდა პროგრესული თანამდებობები, ვკითხულობ ლექციებს, არავინ მომცემს იმის უფლებას, რომ მივიმალო.
სინანულით ვსაუბრობ და მზად ვარ ვითანამშრომლო.
დუმილის უფლებასაც ვინარჩუნებ იქამდე, სანამ საქმის განხილვა დაიწყება. აუცილებლად ჩავერთვები საქმეში. არ ვარ ცუდი ადამიანი," - განაცხადა აბესაძემ.
შეგახსენებთ, რომ აბესაძე სუს-მა 12 ივლისს დააკავა.