საირმის ქუჩაზე, გუშინ საფეხმავლო გზა ჩაინგრა. შემთხვევის შედეგად არავინ დაშავებულა.
აღნიშნულ ტერიტორიაზე საცხოვრებელ კორპუსს სამშენებლო კომპანია„აქსისი“ აშენებს.
კომპანიის წარმომადგენლის თქმით, გზის ჩანგრევა სანიაღვრე სისტემის გაუმართაობამ გამოიწვია.
„თბილისში, გასულ დღეებში მოსული უხვი ნალექის გამო, სანიაღვრე სისტემა მწყობრიდან გამოვიდა, რამაც გზის ჩამონგრევა გამოიწვია.
ვფიქრობდით, რომ საფრთხე არსებობდა. სამუშაოები დროებით გავაჩერეთ. ადგილზე ჩვენი ჯგუფები მობილიზებულები არიან და გზის აღდგენითი სამუშაოები დაწყებულია. იგეგმება კომუნიკაციის მილების გადატანა.
კომპანია საყრდენ კედელსაც ააშენებს, რაც პროექტით გათვალისწინებული იყო“,- განაცხადა „აქსისის“ წარმომადგენელმა ზვიად ზარნაძემ.