ლუიზიანას სამხრეთ-დასავლეთ ნაწილს თავს ტროპიკული ქარიშხალი „სინდი“ დაატყდა. დაიღუპა მცირეწლოვანი ბავშვი, რომელიც ოჯახთან ერთად დასასვენებლად იმყოფებოდა. სოლიდურია მატერიალური ზარალიც. ფესვებიანად მოთხრილმა ხეებმა საცხოვრებელი სახლების სახურავები დააზიანა. ატლანტიკის ოკეანის აუზში ქარიშხლების სეზონი 1 ივნისიდან 30 ნოემბრამდე გრძელდება. მეტეოროლოგთა პროგნოზით, წელს ჩვეულებრივთან შედარებით სტიქიის აქტივობის რისკი განსაკუთრებით მაღალია.