სახალხო დამცველი უჩა ნანუაშვილი საკონსტიტუციო ცვლილებების პროექტზე თავის შენიშვნებს ვენეციის კომისიაში დღეს გადაგზავნის.
ნანუაშვილის განმარტებით, შენიშვნები ძირითადად ადამიანის უფლებათა თავს ეხება.
„ეხება იმ უფლებებს, რომელიც ჩვენი აზრით კონსტიტუციაში ასახული უნდა იყოს. მათ შორისაა სოციალური უფლებების, ასევე შრომის უფლების ეფექტურად იმპლემენტაციის კუთხით გარკვეული ჩანაწერების გაჩენა კონსტიტუციაში, ასევე, სახალხო დამცველის უფლებამოსილებასთან დაკავშირებით, ისევე, როგორც დამოუკიდებელი საგამოძიებო მექანიზმის შექმნის აუცილებლობა და სხვა მნიშვნელოვანი რეკომენდაციები, რომლებიც საკონსტიტუციო კომისიის მიერ გათვალისწინებული არ იყო“, - განაცხადა ნანუაშვილმა.