ჩვენ ვხედავთ, რომ ქვეყანაში არიან ადამიანები, რომლებსაც კანონი არ ეხებათ, მეორე მხრივ გამოძიება არის დაწყებული აბსოლუტურად არასწორი მუხლით, - ამის შესახებ გენერალურ აუდიტორ ლაშა თორდიასთან გამართული შეხვედრის შემდეგ "საერთაშორისო გამჭცირვალობა საქართველოს" აღმასრულებელმა დირექტორმა ეკა გიგაურმა განაცხადა.
მისი განცხადებით, ამ საქმით არ ინტერესდება არც ერთი პოლიტიკური თანამდებობის პირი, განსაკუთრებით საქართველოს პარლამენტი, რომელიც უნდა იყოს პირველ რიგებში და მან უნდა მოიკითხოს, თუ რა ხდება ამ საქმესთან დაკავშირებით, რადგან აუდიტის სამსახური პირდაპირ ექვემდებარება საქართველოს პარლამენტს.
"ვისაუბრეთ იმ მოკვლევაზე, რომელიც ჩაატარა აუდიტის სამსახურმა. ამ ეტაპზე შეიძლება ითქვას, რომ ვართ აბსოლუტურად ცუდ მოცემულობაში, რადგან ერთი მხრივ ჩვენ ვხედავთ, რომ ქვეყანაში არიან ადამიანები, რომლებსაც კანონი არ ეხებათ, მეორე მხრივ გამოძიება არის დაწყებული აბსოლუტურად არასწორი მუხლით. ამ მუხლით შეუძლებელია ამოღებული იყოს კამერების ჩანაწერები, რომლითაც დადგინდება ის, თუ როგორ დაიწყო კონფლიქტი. გამოძიება არის აბსოლუტურად არაეფექტური. კიდევ ერთი მოცემულობაა ის, რომ რეალურად ამ საქმით არ ინტერესდება არც ერთი პოლიტიკური თანამდებობის პირი, განსაკუთრებით საქართველოს პარლამენტი, რომელიც უნდა იყოს პირველ რიგებში და მან უნდა მოიკითხოს, თუ რა ხდება ამ საქმესთან დაკავშირებით, რადგან აუდიტის სამსახური პირდაპირ ექვემდებარება საქართველოს პარლამენტს",- განაცხადა გიგაურმა.