საქართველოს ფინანსთა სამინისტრო 2017 წლის 25 აპრილიდან 4 მაისი ჩათვლით აცხადებს სტაჟირებას სახელმწიფო ინვესტიციებისა და საბიუჯეტო პროგრამების ეფექტიანობის შეფასების სამმართველოში და სტაჟირების გასავლელად იწვევს მოტივირებულ ახალგაზრდებს.

მოთხოვნები:

1. უმაღლესი ეკონომიკური განათლება ან ცნობა უმაღლესი საგანმანათლებლო დაწესებულებიდან ეკონომიკის საბაკალავრო პროგრამის დამამთავრებელ კურსზე/სემესტრზე ან ეკონომიკის სამაგისტრო პროგრამაზე სწავლის შესახებ;       

2. ეკონომეტრიკის და ეკონომიკური ანალიზის საფუძვლების ცოდნა;

3. ინგლისური ენის ცოდნა.

სტაჟირების კონკურსი მოიცავს შემდეგ ეტაპებს:

1. განცხადების გადარჩევა;
2. წერითი დავალება;
3. წერითი დავალება ინგლისურ ენაში;
4. გასაუბრება სტაჟიორთა შესარჩევ კომისიასთან.

                სტაჟირების ვადა განისაზღვრება მინიმუმ 3 თვით. შესაძლებელია მისი 6 თვემდე ვადით გაგრძელება.

                სტაჟირების კონკურსში მონაწილეობის მიღების მსურველმა კანდიდატებმა განაცხადი უნდა გამოაგზავნონ საჯარო სამსახურის ბიუროს მიერ ადმინისტრირებული ვებგვერდის - hr.gov.ge მეშვეობით. კანდიდატებმა განცხადების შევსების დროს ასევე უნდა ატვირთონ და გამოაგზავნონ ეკონომისტის კვალიფიკაციის დამადასტურებელი დიპლომის ასლი (არსებობის შემთხვევაში) ან ცნობა უმაღლესი საგანმანათლებლო დაწესებულებიდან ეკონომიკის საბაკალავრო პროგრამის დამამთავრებელ კურსზე/სემესტრზე ან ეკონომიკის სამაგისტრო პროგრამაზე სწავლის შესახებ.

https://www.hr.gov.ge/JobProvider/UserOrgVaks/Details/42682

დეტალური ინფორმაციისათვის შეგიძლიათ დაუკიავშირდეთ ადამიანური რესურსების მართვის დეპარტამენტს - ტელ: 2 261675, 2 261547.