ბათუმში, ჭავჭავაძისა და 26 მაისის ქუჩების კვეთასთან არსებულ სკვერში კიდევ ერთი ახალი ველოტერმინალი გაიხსნა.
ტერიტორია მარკეტინგული კვლევის საფუძველზე, მოთხოვნის მიხედვით შეირჩა. გახსნის ღონისძიებას ბათუმის მერი გიორგი ერმაკოვი დაესწრო. ზაფხულის სეზონამდე დაგეგმილია კიდევ ერთი ტერმინალის დამატება და რამდენიმე ველოსიპედის შეძენა. ამჟამად ქალაქში სულ 30-მდე ველოტერმინალია.
ველოტერმინალის გახსნის ღონისძიება დედამიწის საერთაშორისო დღესთან დაკავშირებით მოეწყო.
დედამიწის საერთაშორისო დღე 1970 წლიდან აღინიშნება და ის მსოფლიოში ერთ-ერთი ყველაზე მასშტაბური გარემოსდაცვითი საზოგადოებრივი ღონისძიებაა. ყოველი წლის 22 აპრილს, სხვადასხვა ღონისძიებაში 190-ზე მეტი ქვეყნის 20 ათასამდე ორგანიზაცია და მილიონობით მოხალისე, დედამიწაზე საკუთარი გარემოს გაუმჯობესების მიზნით მონაწილეობს.