პარლამენტის საფინანსო-საბიუჯეტო კომიტეტის თავმჯდომარის პირველი მოადგილის პაატა კვიჟინაძის ინფორმაციით, ზოგიერთ ეკონომიკურ დანაშაულზე ამნისტიის გამოცხადებასთან დაკავშირებული პროექტი პარლამენტს უახლოეს პერიოდში წარედგინება მისი თქმით, კანონპროექტი მთავრობის ოთხპუნქტიანი გეგმის, პირველი პუნქტის შემადგენელი ნაწილია.
„მთავრობაში ამ საკითხზე მუშაობა მიდიოდა. როგორც ვიცი, ეს პროცესი ფინალურ სტადიაზეა და პროექტი პარლამენტში მალე შემოვა“, - აღნიშნა კვიჟინაძემ.
ცნობისათვის, მთავრობა ეკონომიკური დანაშაულის დეკრიმინალიზაციასა და 2013 წლის პირველ იანვრამდე ჩადენილ მსგავსი ტიპის დანაშაულებზე სრული ამნისტიის გამოცხადებას გეგმავს.
