პრემიერ-მინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე აცხადებს, რომ მსჯავრდებულების გადმოცემის შესახებ ხელშეკრულება, რომლის გაწყვეტას რუსეთი აპირებს, ძალაში შესული ფაქტობრივად, არც ყოფილა. ამის შესახებ აბაშიძემ ,,ჯი-ეიჩ-ენთან” საუბარში განაცხადა და აღნიშნა, რომ ამ საკითხთან დაკავშირებით, მხარეები საერთაშორისო კონვენციით ხელმძღვანელობდნენ.
,,1996 წლის 19 მარტს, ქალაქ მოსკოვში დადებული ხელშეკრუელბა "საქართველოსა და რუსეთის ფედერაციას შორის თავისუფლების აღკვეთით მსჯავრდებულ პირთა სასჯელის მოსახდელად გადაცემის შესახებ", რომლიდანაც გასვლის შესახებ რუსეთმა განაცხადა, ფაქტობრივად, ძალაში არც შესულა, რადგან მხარეებს შორის სარატიფიკაციო სიგელების გაცვლა არ მომხდარა. ჩვენი მხრიდან ამ ხელშეკრულებამ ყველა შიდასახელმწიფოებრივი პროცედურები გაიარა, თუმცა, ეს რუსეთის მხრიდან არ მომხდარა. ფაქტობრივად აღნიშნული ხელშეკრუელაბ ძალაში არ ყოფილა. ჩვენ მსჯავრდებულ პირთა სასჯელის მოხდის მიზნით გადაცემასთან დაკავშირებით, საერთაშორისო კონვენციებით ვხელმძღვანელობთ, ამიტომ ეს საკითხი სამართლებრივად დარეგულირებულად რჩება ”, _განაცხდაა ,,ჯი-ეიჩ-ენთან” საუბარში ზურაბ აბაშიძემ.
მისივე თქმით, რაც შეეხება რუსეთის საგრეო უწყების ხელმძღვანელის მოადგილის გრიგოლი კარასინისა და აბაშიძის შეხვედრას, ის ივლისის შუარიცხვებში გაიმართება. აბაშიძის იმფორმაციით, შეხვედრას, მასთან ერთად, საგრეო უწყებისა და ეკონომიკის სამინისტროს ექსპერტები დაესწრებიან.
შეგახსენებთ, რომ რუსული მედიის ინფორმაციით, მოსკოვი აპირებს საქართველოსთან შეთანხმების გაწყვეტას იმ პირების გადაცემის შესახებ, რომლებიც უკვე გასამართლებულები არიან, მისჯილი აქვთ თავისუფლების აღკვეთა და იხდიან სასჯელელს .