ენერგეტიკის მინისტრი და ვიცე-პრემიერი სუპერთასის ბელიეთებთან დაკავშირებულ პრობლემას გამოეხმაურა. კახა კალაძემ შექმნილ სიტუაციას უპასუხისმგებლობა უწოდა.მისი თქმით, ფეხბურთის ფედერაციაც და Biletebi.ge-ს ხელმძღვანელობაც მომზადებულები უნდა შეხვედროდნენ ამ გადაწყვეტილებას, როდესაც მათ ბილეთების გაყიდვის უფლება მისცეს.
"არ ვიცი, რამდენად მიღებულია მსოფლიოში ასეთი პრაქტიკა, მე იტალიაში ვცხოვრობდი 12 წელი და ძალიან კარგად ვიცი, თუ რამდენად მაღალ დონეზე იყო აყვანილი თუნდაც ბილეთების გაყიდვა..."მე ვფიქრობ, ფეხბურთის ფედერაციის მიერ, ამ შემთხვევაში თუ ეუფა-ს მხრიდან იყო დავალება, უნდა მომხდარიყო Biletebi.ge-სთან ამ ყველაფრის გავლა, რომ ისინი მზად შეხვედროდნენ ასეთ აჟიოტაჟს და ჩვენ თავიდანვე ვიცოდით რამდენად დიდი ინტერესი იქნებოდა ამ თამაშის მიმართ. ამიტომ ეს არის, ჩემი შეხედულებით, ძალიან უპასუხისმგებლობა რაც მოხდა", - განაცხადა კალაძემ.
