კულტურის მინისტრის გურამ ოდიშარიას ინფორმაციით, ახალ მინისტრთა კაბინეტში ცვლილებები ფაქტობრივად არ განხორციელდება.
ოდიშარიას თქმით, ამ ეტაპზე გარკვეულია მხოლოდ ის საკითხი, რომ ახალ მინისტრთა კაბინეტში მხოლოდ ერთი ახალი მინისტრი - შინაგან საქმეთა მინისტრის პოსტზე ირაკლი ღარიბაშვილის შემცვლელი იქნება წარმოდგენილი.
"მთავრობის ხელმძღვანელთან არ მისაუბრია, მეგობრები ვართ, ბატონი ირაკლი შესანიშნავი ხელმძღვანელია და მინდა მას კიდევ ერთხელ მივულოცო ეს დიდი პოსტი. ძალიან ახალგაზრდა და ძალიან გამოცდილი კაცია უკვე. ცვლილებები მე რამდენადაც ვიცი, ფაქტობრივად არ განხორციელდება გარდა ერთისა, რომ შინაგან საქმეთა სამინისტროს მინისტრი უნდა დაინიშნოს ახალი,"- განაცხადა გურამ ოდიშარიამ.