აფხაზ სეპარატისტთა ლიდერის მიერ ახლახანს გადაყენებულმა აფხაზეთის ე.წ. უშიშროების საბჭოს მდივანმა სტანისლავ ლაკობამ აფხაზეთის ე.წ. პრემიერ-მინისტრს ლეონიდ ლაკერბაიას ღია წერილით მიმართა, რომელშიც აფხაზეთის ქართული მოსახლეობის პაპოსრტიზაციის წინააღმდეგ კიდევ ერთხელ გაილაშქრა.
„არა პირადად შენ, არამედ სხვებსაც შეუძლებელია არ დავუსვა რამდენიმე კითხვა, რომელიც არა მე, არამედ ჩვენი პატარა აფხაზეთის მომავალ ეხება.
ახლანდელი ხელისუფლება აგონიაშია. ის აგრესიულად ემხრობა აფხაზეთში საქართველოს მოქალაქეების პასპორტიზაციას. ეს აუცილებლად გადაგვისვრის ჩვენ მომავალში. ნუთუ თქვენ ასეთი მარტივი რამ ჯერ კიდევ არ გესმით?
ესმის თუ არა ხელისუფლებას, რომ ეთნოდემოგრაფიული პოლიტიკის არარსებობისა და აღმოსავეთ აფხაზეთის უპასუხისმგებლო პასპორტიზაციის შემთხვევაში უახლოეს მომავალში რეზერვაციაში თავად აფხაზები აღმოჩნდებიან?", _ წერს ლაკობა და იმ ე.წ. უშიშროების საბჭოს სხდომას იხსენებს, სადაც მისი და აფხაზ სეპარატისტთა ლიდერის პოზიციები ერთმანეთს არ დაემთხვა.
მისივე თქმით, იმ სხდომაზე ისეთი შთაბეჭდილება იქმნებოდა, „თითქოს საქართველოს უშიშროების საბჭოს სხდომაზე ხარ და არა აფხაზეთის უშიშროების საბჭოს სხდომაზე".
