თეირანის ცენტრში გამართულ ანტიამერიკულ აქციაზე, რომელსაც ათობით ათასი ადამიანი ესწრება ამერიკის დროშა დაწვეს. ამჟამად თეირანში მდებარე აშშ-ს ყოფილი საელჩოსკენ მიმავალი ქუჩა გადაკეტილია.
აშშ-ს საელჩოს ყოფილ შენობასთან შეკრებილი ხალხი საელჩოს ყოფილ შენობას „ჯაშუშების ბუდეს" უწოდებს. ისმის ანტიამერიკული ლოზუნგები. აქციის მონაწილეებს ტრადიციულად ხელში აქვთ ნაციონალური დროშები და უმაღლესი ლიდერების აიატოლა რუხოლი ხომეინისა და აიატოლა ალი ხამენეის პორტრეტები.
აქციაში 7 დან 16 წლამდე ბავშვებიც მონაწილეობენ. ბევრია სტუდენტი. „სიკვდილი ამერიკას" „სიკვდილი ისრაელს" - წერია პლაკატებზე.
აღნიშნული აქცია 1979 წლის მოვლენების 34-ე წლისთავს ეძღვნენა. მაშინ 1979 წლის 4 ნოემბერს აიატოლა ხომეინის რადიკალურიად განწყობილმა მომხრეებმა იერიშით აიღეს აშშ-ს საელჩოს შენობა თეირანში და მძევლად 52 თანამშრომელი აიყვანეს. ეს ადამიანები მათ 444 დღე ჰყავდათ დატყვევებულნი. ისინი მხოლოდ 1881 წლის იანვარში გაათავისუფლეს. ამ ინციდენტის გამო ორ ქვეყანას შორის დიპლომატიური ურთიერთობები შეწყდა, რომლებიც დღემდე აღდგენილი არ არის.
