ისრაელის საგარეო საქმეთა მინისტრის მოადგილე მიიჩნევს, რომ ისრაელელი ბიზნესმენების, რონი ფუქსის და ზეე ფრენკელის სკანდალი, ისრაელ-საქართველოს ბიზნესურთიერთობებზე უარყოფითად აისახა.
„ეს ყველაფერი ძალიან ცუდად აისახა საქართველო-ისრაელის ბიზნესურთიერთობების პერსპექტივაზე. ფაქტმა დიდი რეზონანსი გამოიწვია ისრაელში. ამ ყველაფერმა კი ძლიერ შეაშინა ისრაელელი ბიზნესმენები, განეხორციელებინათ ინვესტიციები საქართველოში. მას შემდეგ როცა ინციდენტი ამოიწურა და საქართველომ მთავრობამ კურსი შეცვალა, ჩვენ და ჩვენს ქართველ კოლეგებს ცოტა მუშაობა არ მოუწევთ სიტუაციის გამოსწორებისთვის. ჩვენ ვცდილობთ ავუხსნათ ისრაელელ ბიზნესმენებს, რომ ის დრო წარსულში დარჩა"- განმარტავს ისრაელის საგარეო საქმეთა მინისტრის მოადგილე ზეევ ელკინი.
ელკინი დარწმუნებულია, რომ ისრაელელი მაღალჩინოსნების ვიზიტი საქართველოში და პირიქით, და ურთიერთობების კიდევ უფრო გაღრმავება დაამსხვრევს იმ სტერეოტიპებს, რომელიც ისრაელელ ინვესტორებს საქართველოს მიმართ გააჩნიათ.
შეგახსენებთ, რომ 2011 წლის 2 დეკემბერს საქართველოს პრეზიდენტმა ისრაელის მთავრობისა და პირადად ისრაელის პრეზიდენტის თხოვნის საფუძველზე, ისრაელის მოქალაქეები რონი ფუქსი და ზეე ფრენკელი შეიწყალა.
აღსანიშნავია, რომ ისრაელის მოქალაქეები ქართველმა სამართალდამცველებმა ბათუმში 2010 14 ოქტომბერს დააკავეს. მათ მაღალი თანამდებობის პირისთვის ქრთამის შეთავაზება ედებოდათ ბრალად.
სასამართლოს მიერ გაცხადებული ოფიციალური გადაწყვეტილების საფუძველზე, ფუქსს პატიმრობის ვადად 7 წელი, ფრენკელს კი 6 წელი ქონდა განსაზღვრული.
