პოლიციამ მოსკოვის ბირლულიოვოს რაიონში მდებარე ბოსტნეულის ბაზაზე დაახლოებით 1200 მიგრანტი დააკავა. ამას გარდა, რეიდის დროს ბაზაზე აღმოჩენილი იქნა ავტომობილი, რომელიც ფილითა და იარაღით იყო სავსე. ინფორმაციას ამის შესახებ „ბი-ბი-სი" ავრცელებს და აღნიშნავს, რომ რუსული მედია აღნიშნული ინციდენტის გაშუქებისას მხოლოდ რამდენიმე დაკავებულის შესახებ ავრცელებდა ინფორმაციას.
თავად, ბაზა, რომელსაც თავს გუშინ დაესხნენ, ამ დილით დახურულია. თავდაპირველად გავრცელდა ინფორმაცია, რომ ბაზა სანიტარული დღის გამო დახურეს, თუმცა მოგვიანებით რუსეთის მთავარმა სანიტარულმა ექიმმა გენადი ონიშჩენკომ გააკეთა განცხადება იმის შესახებ, რომ ობიექტი ადგილობრივი მოსახლეობის მხრიდან შემოსული სარჩელების განხილვის ვადაში დახურული იქნება.
ხუთშაბათს ღამით, ბირლულიოვოს რაიონში უცნობმა, რომელიც ადგილობრივების თქმით, კავკასიელია, 25 წლის მამაკაცი მოკლა და მიიმალა. ამის შემდეგ რაიონის მცხოვრებლები შეიკრიბნენ და მკვლელობის გამოძიება მოითხოვეს. ეს სახალხო შეკრება არეულობაში გადაიზარდა, რომლის დროსაც დაახლოებით 400 ადამიანი დააკავეს.
