ინგუშეთში ძებნაში არსებული ავტომობილი აფეთქდა. არის მსხვერპლი. ინფორმაციას ამის შესახებ რუსული მედია ავრცელებს.
მას შემდეგ რაც პოლიციელებმა მოძრავი ვაზ-2107 მარკის ავტომობილი დააფიქსირეს, მის დაკავებას შეეცადნენ. ავტომობილში მსხდომნი პოლიციის მოთხოვნას არ დაემორჩილნენ და სამართალდამცავებს ცეცხლი გაუხსნეს. მას შემდეგ რაც პოლიციელებმა საპასუხო ცეცხლი გახსნეს სატრანპორტო საშუალება აფეთქდა.
ავტომობილის აფეთქების შედეგად ერთი პოლიციელი დაიღუპა და ორი დაიჭრა. დაღუპულნი არიან ავტომობილში მსხდომი ადამიანებიც. ჯერ ჯერობით მათი რაოდენობის დადგენა შეუძლებელია, ვინაიდან აფეთქების სიმძლავრემ ეს ადამიანები ნაკუწებად დაშალა.
მასალის გამოყენების პირობები
